Захарава заявіла, што Захад будзе аплачваць удары Кіева па Крымскім мосце
Марыя Захарава. Фота Прэс-службы МЗС РФ/ ТАСС
25 ліпеня, Мінск /Кар. БЕЛТА/. Афіцыйны прадстаўнік МЗС Расіі Марыя Захарава заявіла, што аплачваць удары Украіны па Крымскім мосце будуць краіны Захаду, паведамляе ТАСС са спасылкай на тэлеграм-канал дыпламата.
Такім чынам Захарава пракаменціравала словы кіраўніка Мінабароны Украіны Аляксея Рэзнікава аб тым, што Кіеў прадоўжыць наносіць удары па Крымскім мосце, паколькі «гэта нармальная тактыка — разбураць лагістычныя лініі твайго праціўніка, каб пазбавіць яго магчымасці атрымаць больш боепрыпасаў, паліва, прадуктаў харчавання». У эфіры тэлеканала CNN Рэзнікаў падкрэсліў, што Украіна будзе і далей прытрымлівацца гэтай тактыкі.
Раней украінскі лідар Уладзімір Зяленскі заявіў, што Крымскі мост з’яўляецца цэллю, «якая павінна быць нейтралізавана».
У сваю чаргу прэс-сакратар прэзідэнта РФ Дзмітрый Пяскоў пацвердзіў, што небяспека атак на Крымскі мост захоўваецца.
У ноч на 17 ліпеня два ўкраінскія беспілотнікі ўчынілі тэрарыстычную атаку на Крымскі мост, у выніку чаго загінулі мужчына і жанчына і пацярпела іх непаўналетняя дачка. Прэзідэнт РФ Уладзімір Пуцін усклаў адказнасць за атаку на Кіеў. Паводле слоў расійскага лідара, размова ідзе аб бессэнсоўным з ваеннага пункту гледжання злачынстве, «паколькі Крымскі мост ужо даўно не выкарыстоўваецца для ваенных перавозак».-0-
