Пасол Беларусі на Кубе назваў палітычны дыялог дзвюх краін ідэальным
Фота з архіва
31 ліпеня, Мінск . У эфіры тэлеканала «СТБ» Надзвычайны і Паўнамоцны Пасол Рэспублікі Беларусь у Рэспубліцы Куба Валерый Бараноўскі расказаў аб палітычным супрацоўніцтве дзвюх краін, .
Адказваючы на пытанне, на якім узроўні знаходзіцца палітычны дыялог паміж дзвюма краінамі, Валерый Бараноўскі сказаў: «Палітычны дыялог паміж нашымі краінамі можна назваць ідэальным. Таму што мы верныя саратнікі, сябры. Мы падтрымліваем адзін аднаго ва ўсіх міжнародных адносінах, на ўсіх міжнародных пляцоўках. Нядаўна ў Савеце Бяспекі Куба нас падтрымала».
Каменціруючы сітуацыю з перспектывай пашырэння паставак беларускай тэхнікі, прычым не толькі на Кубу, Валерый Бараноўскі адзначыў, што планы ёсць заўсёды, а таксама дадаў, што ў бягучым годзе зафіксаваны пэўныя зрухі ў гэтым пытанні. Ён падкрэсліў, што імкненне да ўзаемадзеяння павінна быць узаемным. «Павінна быць імкненне не толькі ў нас, але і ў кубінскага боку. Яно ёсць, складанае фінансава-эканамічнае становішча. Вядома, усё гэта, як вы разумееце, амерыканскія санкцыі. Гэта даволі жорсткая рэч у адносінах да Кубы. Калі ў нас санкцыі ёсць, то ў нас побач сябры, браты, суседзі. А Куба адна ў акіяне. І, напрыклад, калі які-небудзь карабель зойдзе ў кубінскі порт, ён паўгода яшчэ не можа заходзіць ні ў які іншы порт, асабліва ў Амерыцы. І на Кубу, напрыклад, не можа пастаўляцца прадукцыя, у якой больш за 10 працэнтаў амерыканскай вытворчасці», — дадаў пасол.
