На заахвочванне адораных вучняў і студэнтаў накіравана больш як Br370 тыс. са спецфонду Прэзідэнта
Фота з архіва
Навіны сюжэта
«Маладзёжная палітыка Беларусі»
Сергяенка пра работу з моладдзю: галоўнае — чуць, дапамагаць, своечасова рэагаваць на ініцыятывы
Сіняўскі: у маладзёжную арганізацыю ратавальнікаў-пажарных уваходзяць 64 тыс. чалавек
27 ліпеня, Мінск . На заахвочванне адораных вучняў і студэнтаў, а таксама педагогаў, якія іх падрыхтавалі, накіравана больш як Br370 тыс. са спецыяльнага фонду Прэзідэнта Рэспублікі Беларусь. Адпаведнае рашэнне савета фонду зацверджана распараджэннем кіраўніка дзяржавы Аляксандра Лукашэнкі. Аб гэтым паведамілі ў прэс-службе беларускага лідара.
Заахвочваннямі фонду адзначаны 52 пераможцы міжнародных і рэспубліканскіх конкурсаў і алімпіяд, 32 педагагічныя і навуковыя работнікі. Акрамя таго, за асаблівыя поспехі ў вучобе, навукова-даследчай і творчай дзейнасці 187 студэнтам і курсантам устаноў вышэйшай адукацыі назначана стыпендыя Прэзідэнта Рэспублікі Беларусь.
Прыняцце распараджэння кіраўніка дзяржавы накіравана на выяўленне і падтрымку найбольш матываваных і адораных студэнтаў, стварэнне спрыяльных умоў для далейшага развіцця іх здольнасцей і паспяховай вучобы.
