Квест «Шляхамі Францыска Скарыны», спектакль «Рамантыкі». Што ў праграме Верхняга горада на 29 ліпеня
Фота з архіва
27 ліпеня, Мінск . Чым парадуе мінчан і гасцей горада летні музычна-турыстычны сезон «Мінск. Традыцыі. Гасціннасць. Яднанне» ў апошнюю суботу ліпеня, БЕЛТА расказалі ва ўпраўленні культуры Мінгарвыканкама.
У 12.00, 14.00 і 16.00 усе жадаючыя змогуць наведаць бясплатныя экскурсіі па Верхнім горадзе. Месца сустрэчы — каля Ратушы.
З 13.00 да 17.00 бібліятэкі сталіцы правядуць культурна-гістарычную праграму «Шляхамі Францыска Скарыны». У 13.00 і 16.00 пройдзе аднайменны квест, а з 14.00 да 17.00 мінчане змогуць стаць удзельнікамі гульні-падарожжа «Волаты беларускага пісьменства». На працягу ўсёй праграмы будзе працаваць кніжная выстава «Асветнікі зямлі беларускай».
Упершыню ў гэтым годзе на Арт-тэрасе Верхняга горада з 20.00 да 22.00 пачне работу танцавальная пляцоўка.
У 19.00 на пляцоўцы Тэатральнага дворыка адбудзецца спектакль «Рамантыкі», паводле п’есы французскага драматурга Эдмона Растана, у выкананні акцёраў Магілёўскага абласнога драматычнага тэатра. «Іскрамётны гумар, дзёрзкія выкраданні, смелыя паядынкі і высакародныя подзвігі — усё гэта чакае вас на пляцоўцы Тэатральнага дворыка. Жывая музыка падкрэсліць атмасферу безразважнасці, маладосці і рамантыкі», — такую характарыстку маючаму адбыцца спектаклю далі ва ўпраўленні культуры сталічнай мэрыі.
Не абыдзецца гэта субота і без традыцыйнага канцэрта аркестра «Няміга», які пачнецца на галоўнай пляцоўцы Верхняга горада ў 20.00. У гэтыя выхадныя ў гістарычным цэнтры Мінска будуць гучаць шэдэўры сусветнай класікі.
