Качанава: у супрацоўніцтва Беларусі і Ірана вялікая будучыня
13 верасня, Мінск . У супрацоўніцтва Беларусі і Ірана вялікая будучыня, заявіла старшыня Савета Рэспублікі Наталля Качанава ў час сустрэчы з Надзвычайным і Паўнамоцным Паслом Ісламскай Рэспублікі Іран у Рэспубліцы Беларусь Алірэзой Санеі,
«Мы заўсёды гатовы падтрымаць вашу краіну ў нашым супрацоўніцтве і на ўсіх міжнародных пляцоўках і арганізацыях, — сказала Наталля Качанава. — Такія дружалюбныя адносіны паміж нашымі краінамі склаліся дзякуючы, вядома, тым добрым, канструктыўным адносінам, якія ёсць паміж прэзідэнтамі нашых краін. Узаемныя візіты. Наш Прэзідэнт быў не аднойчы ў Іране. Гэта сведчанне таго, што ў нашых краін вялікая будучыня і мы нацэлены на канструктыўнае супрацоўніцтва. У сакавіку 2023 года Аляксандр Рыгоравіч чарговы раз наведваў Іран, дзе даў высокую ацэнку нашаму супрацоўніцтву. Узаемадзейнічаюць нашы ўрады, рыхтуюцца ўзаемныя візіты прэм’ер-міністраў нашых краін».
Супрацоўніцтва нашых краін у эканоміцы вельмі важна, адзначыла спікер. «Мы з вамі, як Беларусь, так і Іран, жывём у час санкцый. І падтрымка адзін аднаго для нас вельмі важна. Для нас, мы дакладна разумеем, гэта тая сітуацыя, у якой можна спакойна жыць, і не проста жыць, а развівацца. Гэта акно магчымасцей, і таму цяпер наша краіна актыўна працуе па ўсіх напрамках для таго, каб наш народ не адчуў на сабе гэтага санкцыйнага ўздзеяння, — падкрэсліла старшыня Савета Рэспублікі. — Эканоміка расце, прадпрыемствы працуюць і таму для нас той узровень тавараабароту, які склаўся, — $100 млн, мы разумеем, што гэта не мяжа для нашага супрацоўніцтва. Я ўпэўнена, што вы, спадар пасол, пабываеце на нашых прадпрыемствах, у нашых рэгіёнах, азнаёміцеся з той прадукцыяй, якую выпускаюць нашы прадпрыемствы, і мы адназначна знойдзем новыя кропкі ўзаемадзеяння ў эканоміцы нашых краін».
