Качанава: электаральная кампанія ў Беларусі павінна прайсці зладжана
Наталля Качанава. Фота з архіва
31 ліпеня, Мінск . Электаральная кампанія ў Беларусі павінна прайсці зладжана, заявіла журналістам старшыня Савета Рэспублікі Наталля Качанава,
«Для нас вельмі важна будучая электаральная кампанія. Упершыню ў нас будзе праходзіць адзіны дзень галасавання, калі будуць выбірацца дэпутаты ўсіх узроўняў, пачынаючы ад сельскіх Саветаў і заканчваючы Саветам Рэспублікі. І мы разумеем, якую сур’ёзную работу трэба будзе правесці мясцовым органам улады, усім людзям, якія будуць удзельнічаць у гэтым важным палітычным мерапрыемстве ў нашай краіне. Павінна прайсці ўсё зладжана, спакойна, упэўнена. Так, як уласна кажучы, мы заўсёды праводзілі электаральную кампанію», — адзначыла Наталля Качанава.
Безумоўна, у гэты перыяд уздзеянне нашых знешніх апанентаў, якія спрабуюць дэстабілізаваць абстаноўку ў нашай краіне, толькі ўзмоцніцца, падкрэсліла спікер. «Але ў іх не атрымаецца. Таму што я бачу, як людзі сёння ставяцца да ўлады. Я бачу, як людзі ставяцца да тых рашэнняў, якія прымаюцца ў нашай краіне, і ўпэўнена, што мы правядзём гэту выбарчую кампанію на высокім узроўні, як гэта заўсёды было ўласціва беларускаму народу — адзінымі, кансалідаванымі ў адстойванні сваіх інтарэсаў, нягледзячы ні на якія знешнія фактары і пагрозы», — дадала старшыня Савета Рэспублікі.
