Эксперт растлумачыла, чаму пляцоўка па баскетболе да II Гульняў краін СНД пачне рыхтавацца толькі з 31 ліпеня
Навіны сюжэта
«II Гульні краін СНД»
Медыяцэнтр II Гульняў краін СНД адкрыецца на базе БДУФК. Мінспорту пра ўмовы работы журналістаў
Новікаў аб гатоўнасці Магілёва да ІІ Гульняў краін СНД: з нецярпеннем чакаем удзельнікаў і гасцей
27 ліпеня, Мінск . У праекце БЕЛТА «Краіна гаворыць» начальнік упраўлення спорту галоўнага ўпраўлення спорту і турызму Мінгарвыканкама Вольга Купчэня растлумачыла, чаму пляцоўка па баскетболе 3×3 у Мінску да II Гульняў краін СНД пачне рыхтавацца толькі з 31 ліпеня.
«Што датычыцца падрыхтоўкі пляцовак, то ў Мінску на гульні задзейнічана ўся інфраструктура, якая была пабудавана раней і актыўна выкарыстоўваецца для заняткаў фізічнай культурай і спортам», — адзначыла Вольга Купчэня.
Пляцоўка па баскетболе 3×3 пачне рыхтавацца толькі з 31 ліпеня. «Фактычна пад гульні, удакладніла начальнік упраўлення. — Таму што толькі 30 ліпеня закончацца спаборніцтвы на «Палава-Арэна». Тут гуляе больш за 200 каманд. Проста з раніцы да вечара ідуць матчы, гульні і вельмі шмат спартсменаў».
Паводле яе слоў, баскетбол 3×3 — вельмі папулярны від спорту сярод моладзі.
Яна ўдакладніла, што ва ўсіх жадаючых будзе магчымасць пабалець за любімых спартсменаў. «Колькасць пасадачных месцаў на трыбунах вядома. У «Палова-Арэне» — гэта каля 1000 месцаў», — падкрэсліла начальнік упраўлення.
Праект створаны за кошт сродкаў мэтавага збору на вытворчасць нацыянальнага кантэнту.
