Дзяржтрэнер расказала, на якіх пляцоўках трэніруюцца нацыянальныя каманды па валейболе
Навіны сюжэта
«II Гульні краін СНД»
Медыяцэнтр II Гульняў краін СНД адкрыецца на базе БДУФК. Мінспорту пра ўмовы работы журналістаў
Новікаў аб гатоўнасці Магілёва да ІІ Гульняў краін СНД: з нецярпеннем чакаем удзельнікаў і гасцей
28 ліпеня, Мінск . У праекце БЕЛТА «Краіна гаворыць» дзяржаўны трэнер нацыянальнай каманды Рэспублікі Беларусь па валейболе Вольга Мароз расказала, на якіх пляцоўках трэніруюцца нацыянальныя каманды па валейболе.
«Усё, што датычыцца пляцовак, адпрацавана ўжо даўно. «Чыжоўка-Арэна» — адна з нашых любімых пляцовак. Там у нас рыхтуюцца ўсе зборныя, уключаючы нацыянальныя каманды — як жаночую, так і мужчынскую. Шмат мы ўжо там правялі міжнародных спаборніцтваў, такіх як «Залатая Еўраліга». У 2021 годзе там прайшлі кваліфікацыі да чэмпіянату Еўропы, дзе мы дастойна выступілі і выйшлі ў фінал чэмпіянату», — адзначыла Вольга Мароз.
Паводле яе слоў, беларускія валейбалісты лічаць пляцоўку «Чыжоўка-Арэны» адной са шчаслівых. «Усё вельмі даступна. Самае галоўнае, што там усё ў доступе: гасцініца, добрыя трэнажорныя залы, добрая і ўтульная зала. Атмасфера вельмі дамашняя, дружалюбная. Усе ідуць насустрач, вырашаюцца вельмі хутка заўсёды праблемныя пытанні, таму мы любім гэта месца», — удакладніла дзяржтрэнер.
«У «Чыжоўка-Арэне» гуляюць дзяўчаты 2008-2009 гадоў нараджэння. А юнакі 2003 года нараджэння і маладзейшыя будуць гуляць у Палацы спорту. Гэта таксама наша добрая база. Мы пачалі ўжо ўладваць там валейбольнае пакрыццё, пачалося брэндзіраванне — прыгожая карцінка вымалёўваецца. Правялі мы там таксама нямала міжнародных сустрэч. І ў мінулым годзе, і ў гэтым годзе ў нас прайшоў цудоўны міжнародны турнір. Таму ўсё гатова, каб правесці ўсё на дастойным узроўні», — дадала Вольга Мароз.
Фота Віталя Піваварчыка
