Грамадства
Без ападкаў і да +27°С будзе сёння ў Беларусі
8 верасня, Мінск . Без ападкаў і да плюс 27 градусаў будзе сёння ў Беларусі. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Сёння надвор’е ў Беларусі будзе вызначаць маларухомы антыцыклон. Чакаецца невялікая воблачнасць і пераважна без ападкаў. У ранішнія гадзіны ў асобных раёнах слабы туман. Вецер паўночна-заходні слабы да ўмеранага. Тэмпература паветра днём будзе ад плюс 19 да плюс 25 градусаў, а па захадзе Беларусі паветра прагрэецца да плюс 27.
