Грамадства
«Белпошта» прапануе бясплатна адправіць паштоўку да Дня горада Мінска
Фота з архіва
8 верасня, Мінск . РУП «Белпошта» бясплатна адправіць паштоўкі ў Дзень горада Мінска, паведамілі БЕЛТА ў прэс-службе прадпрыемства.
Святочная акцыя пройдзе 9 верасня з 10.00 да 12.00 і з 17.00 да 19.00 на сталічным паштамце (пр. Незалежнасці, 10) і ў аддзяленні паштовай сувязі нумар 60 (вул. Вакзальная, 22).
У гэты дзень кліенты сталічнага паштамта змогуць купіць паштовыя карткі, павіншаваць родных і сяброў з Днём горада, а нацыянальны паштовы аператар бясплатна даставіць гэтыя віншаванні ў любы куток Беларусі.
